Нийслэлийн Иргэдийн Төлөөлөгчдийн Хурал
Ерөнхий хяналтын сонсгол зохион байгуулах хүсэлт гаргав
2019/10/08
08
10 сар

Монгол Улсын Засгийн газрын 2018 оны 62 дугаартай тогтоолыг хэрэгжүүлэх хүрээнд Улаанбаатар хот руу түүхий нүүрс оруулж, түлшинд хэрэглэхийг өнгөрсөн тавдугаар сарын 15-наас хориглож, сайжруулсан шахмал түлш үйлдвэрлэж, нийлүүлэх ажил зохион байгуулж буй. Гэвч өнгөрсөн өдрүүдэд иргэд угаартсан харамсалтай явдал болж, холбогдох албаныхан шалтгааныг тодруулахаар ажиллаж байна.

Үүнтэй холбогдуулан нийслэлийн ИТХ-ын нэр бүхий 13 төлөөлөгч Нийтийн сонсголын тухай хуулийн 8.3 дахь заалтын “ИТХ-ын нийт төлөөлөгчдийн дөрөвний нэгээс доошгүй төлөөлөгч хүсэлт гаргана” гэсний дагуу уг асуудлаар Ерөнхий хяналтын сонсгол зохион байгуулах тухай хүсэлтийг нийслэлийн ИТХ-ын дарга Р.Дагвад хүргүүлэв.

Ерөнхий хяналтын сонсголыг нийслэлийн ИТХ-ын Ажлын алба зохион байгуулахаар боллоо.

Нийслэлийн ИТХ-ын ХМОНХТ

Холбоо барих
Монгол Улс, Улаанбаатар хот, Чингэлтэй дүүрэг, жанжин Д.Сүхбаатарын нэрэмжит талбай 7
Холбоо барих утас: 70119921 /ХМОНХХ/
Имэйл хаяг: info@citycouncil.mn
Copyright © 2019 Нийслэлийн Иргэдийн Төлөөлөгчдийн Хурал. Бүх эрхийг хуулиар хамгаалсан.